Da Skekklers

Fir ower a hunder years wir been layin aboot,

gadderin stoor upon wir suit.

Wir shak'd wis aff an oaged wis oot,

Hits afore time we don wir boot!

Da nichts hiv darken'd; da Hairst his been,

Aa proiled up we dare tae be seen!

Dis wye an dat wir been dastreen,

Whar tae danight? Whit aboot yun een?. . .

Knock knock! Dares a tap on da door.

Wha could yun be at dis time o hour?

Open du him up an gie wis a glower,

Mak wis at hom an bid wis in ower.

Hoos tae hoos we reesel an rive,

Wi dem güd folk dat keep wis alive.

Ask wha wi ir an will no tell!

Listen tae wis spik in wan inhale.

If du guesses right me mask will fa,

An aff we me dress o coorse stra.

But if du fails awa I gien,

As if am nivir been distreen.

Fir wha I im an wha du's seen;

Dats no fir dee tae ever keen.